Feyera Dinsa (Ph.D)

Manni Barumsaa Seeraa Yuunivarsiitii Salaalee raawwii tajaajila hawaasaa kurmaana 2ffaa gamaggamuun, kallattii hojiiwwan fuulduraa irratti qooda fudhattoota waliin marii taasiise.

Manni Barumsaa Seeraa Yuunivarsiitii Salaalee raawwii tajaajila hawaasaa kurmaana 2ffaa gamaggamuun, kallattii hojiiwwan fuulduraa irratti qooda fudhattoota waliin marii taasiise.

Manni Barumsaa Seeraa Yuunivarsiitii Salaalee qaamolee haqaa Godina Shawaa Kaabaa fi manneen hojii mootummaa dhimmi ilaallatu waliin waliigaltee kanaan dura mallatteessan bu’uura godhachuun, raawwii hojii kurmaana lammaffaa bara 2018 gamaggamuun,duula hubannoo seeraa kennuuf karoorfame irrattis marii bal’aa adeemsiseera.

Waltajjii marii Diinii Mana Barumsaa Seeraa Barsiisaa Abeel Katamaatiin durfame kanaan, tajaajila gorsa seeraa bilisaa baatiiwwan sadan darban keessa hawaasaaf kennaman, milkaa’ina galmaa’ee fi rakkoolee mudatan irratti qooda fudhattoota waliin marii bal’aan taasifameera.

Gama biraatiin duula hubannoo seeraa torbee dhufu gaggeeffamuuf karoorfamerrattis hirmaattonni waltajjichaa marii adeemsisanii jiru. Mariin kun saganticha milkaa’inaan hojiirra oolchuuf qophiilee barbaachisanirratti kan xiyyeeffate yoo ta’u, sagantaa duula hubannoo seeraa kanaan dhimmoota akka godaansa seeraan alaa, miidhaa koorniyaa bu’uureeffate, gocha yakkaa fi adeemsa eeruu itti kennamu irratti hubannoon bal’aan akka uumamu ibsameera. Kana malees, mirgoota seeraa namoota adeemsa qorannoo yakkaa keessa jiranii fi kanneen manneen sirreessaa jiranii akkasumas dhiibbaa ragaa sobaa irratti hubannoo kennuuf qophiin xumuramuu isaa eerameera.

Sagantaan duula hubannoo seeraa kuni qindoomina Yuunivarsiitii salaalee, Waajjira Abbaa Alangaafi Waajjira Dhimma Dubartootaafi Daa’immaniitiin kennamu kan gaggeeffamu yemmuu ta’u , marsaa jalqabaatiin torbee dhufurraa eegalee manneen barnootaafi manneen amala sirreessaatti kennuuf kan karoorfame ta’uus himamee jira.

Saganticharratti Itti Gaafatamaa Waajjira Abbaa Alangaa Godina Shawaa Kaabaa Obbo Daamxoo Xannaa , Itti Gaafatamtuu Waajjira Dhimma Dubartootaafi Daa’immanii Godina Shawaa Kaabaa Aadde Almaaz Zawdee akkasumas abbootiin alangaa biroos argamuun haala duula hubannoo kana ittiin milkeessuu danda’amurratti gadi fageenyaan mari’atanii jiru.

Urgee Gammachuutiin

Odeeffannoowwan keenya argachuuf filannoowwan midiyaa hawaasaa armaan gadiitiin nu hordofaa :-

Website: https://slu.edu.et
YouTube: https://youtube.com/@salaleuniversity5385
X (Twitter): https://x.com/SalaleUniversi1
Telegram channel: https://t.me/salaleuniversitytchannel

በሰላሌ ዩኒቨርሲቲ የህግ ትምህርት ቤት የ2ኛ ሩብ ዓመት የማህበረሰብ አገልግሎት አፈጻጸምን በመገምገም፣ በቀጣይ የሥራ አቅጣጫዎች ላይ ከባለድርሻ አካላት ጋር ውይይት አደረገ።

የሰላሌ ዩኒቨርሲቲ የህግ ትምህርት ቤት ከሰሜን ሸዋ ዞን የፍትሕ አካላትና ከሚመለከታቸው የመንግሥት መሥሪያ ቤቶች ጋር ቀደም ሲል የተፈራረሙትን የጋራ የመግባቢያ ሰነድ መሠረት በማድረግ፣ የ2018 በጀት ዓመት የሁለተኛ ሩብ ዓመት የሥራ አፈጻጸም ግምገማ አካሂዷል። ባለድርሻ አካላቱ በጋራ በሠሯቸው የሥራ እንቅስቃሴዎች ዙሪያ የመከሩ ሲሆን፣ በሚቀጥለዉ ሳምንት ለሚጀመረው የህግ ግንዛቤ ማስጨበጫ ዘመቻ ቅድመ ሁኔታዎችና ዝግጅቶች ላይም ሰፋ ያለ ውይይት ተደርጓል።

በህግ ትምህርት ቤቱ ዲን መምህር አቤል ከተማ በተመራው በዚህ መድረክ ባለፉት ሦስት ወራት ለሕብረተሰቡ የተሰጡ ነፃ የህግ አገልግሎቶች፣ የተመዘገቡ ስኬቶች እና ያጋጠሙ ችግሮች ላይ ትኩረት ተደርጎ ምክክር ተካሂዷል።

በሌላ በኩል በቀጣይ ሳምንት የሚካሄደው የግንዛቤ ማስጨበጫ ዘመቻ ውጤታማ እንዲሆን አስፈላጊው ቅድመ ዝግጅት መጠናቀቁ የተገለጸ ሲሆን፤ በዘመቻውም ስለ ሕገ-ወጥ ስደት፣ በጾታዊ ጥቃቶች፣ ስለ ወንጀል ድርጊቶችና የጥቆማ አሰጣጥ ሂደቶች እንዲሁም በምርመራ ሂደት ላይ ያሉና በማረሚያ ቤት የሚገኙ ዜጎች ስላላቸው ህጋዊ መብቶች ግንዛቤ የመፍጠር ሥራ እንደሚሠራ ተመላክቷል። ከዚህ በተጨማሪም የሐሰት ምስክርነት በፍትሕ ሥርዓቱ ላይ ስለሚያስከትለው ጉዳትን በተመለከተ ግንዛቤ ለመስጠት ዝግጅት መደረጉ ተገልጿል።

ይህ የህግ ግንዛቤ ማስጨበጫ መርሃ-ግብር ከሰላሌ ዩኒቨርሲቲ፣ ከሰሜን ሸዋ ዞን ዓቃቤ ሕግ ጽ/ቤት እና ከሴቶችና ህጻናት ጉዳይ ጽ/ቤት ጋር በመቀናጀት ከመጪው ሳምንት ጀምሮ በትምህርት ቤቶችና በማረሚያ ቤቶች የሚከናወን ይሆናል።

በውይይቱ ላይ የሰሜን ሸዋ ዞን ዓቃቤ ሕግ ጽ/ቤት ኃላፊ አቶ ዳምጠዉ ጠና እና የዞኑ የሴቶችና ሕጻናት ጉዳይ ጽ/ቤት ኃላፊ ወ/ሮ አልማዝ ዘውዴን ጨምሮ ሌሎች የፍትሕ አካላት ተገኝተው የንቅናቄ ዘመቻውን ስኬታማ ለማድረግ በሚቻልባቸው ሁኔታዎች ላይ በዝርዝር መክረዋል።

በኡርጌ ገመቹ

መረጃዎቻንን በሚከተሉት የሚዲያ አማራጮቻችን ይከታተሉ :

Website: https://slu.edu.et
YouTube: https://youtube.com/@salaleuniversity5385
X (Twitter): https://x.com/SalaleUniversi1
Telegram channel: https://t.me/salaleuniversitytchannel

Back to list